الأسماء المشتقة من الفعل ساللونغا ندزاير

الأسماء المشتقة من الفعل ساللونغا ندزاير ( الفاعل ، المفعول به ، الآسماوات لخرين..) :
1_ الفاعل ساللونغا ندزاير  : الداريجة كيما تمازيغت ، كاين خطرات وين فالداريجة وين نگولو ( جرى ، جراي) بتشديد اليار ، و هاد الشي تاني كاين ستمازيغت ( ازدم ، آزدام) ، و ثاني كاين وين خطرات فالداريجة وين نگولو ( هبل ، مهبول) كيما ستمازيغت ( ازلض ، امزلوض "الفقير") ، و كاين وين نگولو سالداريجة ( زير ، مزيار) ولا كلمة " مسرار " كيما ستمازيغت ( اكرز ، امكراز) و كل فعل عنده وزن ديالو سپيسيال ليه كيما الامتلة لي راني داكرهم ، غير خطرات تنگلب اليام لليان كي يكون الحرف لي وراها تقيل كيما الياب و الياف و اليام ( ابدد ، انبداد)
2 _ المفعول به ساللونغا ندزاير : ستمازيغت المفعول به يجي على صيغة الفعل المبني للمجهول و ينزاد ليه النون خطرات ، إيلا سيينا هاد القانون على كاش فعل فالداريجة ، غادي المفعول به ستمازيغت يكون هكا ( شرب ، يتشرب ، يتشربن) آلور المفعول به ستمازيغت هو " يتشربن " لي جا مالفعل المبني المجهول " يتشرب " لي هو نفسه فالداريجة ، ( نوتيص : ما تگولوش كاين سالعربية پاسك سالعربية و اللهجات دالمشريق يگولو ينشرب مشي يتشرب لي فالداريجة ديالنا ، و هادي پروڤ وحدوخرا بلي الداريجة هي طرجمة حرفية لتمازيغت) ، آلور المفعول به ساللونغا ندزاير قادر يكون على الصيغة د ( شرب ، مشروب) ولا ( شرب ، تشربان) ولا گاع الصيغ لي تشبهلو'س..
3_ الآسماوات دالصوالح ولا الأدوات ولا البلايص لي نشتقوهم مالفعل ساللونغا ندزاير : ستمازيغت باش يديرو هاد الشي يزيدو " اس ولا اسا ولا ازا " فالبدية نالكلمة ، كيما ( افاو " اضاء،انار "  ، اسافو " الشعلة ") ولا ( اكز " هبط "، ازاكوز "المهبط " ) و لي تاني جات منها كلمة "الساروت ( المفتاح)"  ، لي نجمو تاني نخدمو بيها ساللونغا ندزاير كيما ( هرس ، سهراس ولا مهراس).